رسالة الرائدات الاجتماعيات الي الرئيس عبد الفتاح السيسي

وزارة التضامن الاجتماعي من أغنى الوزارات فى مصر، هدفها إنشاء شبكة أمان اجتماعى للمواطن من خلال دعم وحماية الأسر الفقيرة ورعاية محدودى الدخل ورفع مستوى معيشتهم، هو ده هدف الوزارة.

#وزارة_التضامن_الاجتماعي بترعى وتساعد جميع الاسر الاولى بالرعايه، ماعدا موظفينها مع انهم فى الحقيقه اسر أولى بالرعايه، هتقولى ازاى دول موظفين وليهم مرتبات شهريه، هقلك فى فئة من موظفين التضامن الاجتماعى الوزيره مش عايزه تعترف بيهم اصلا، مع انهم بيشتغلوا اكتر من اى موظف فى الوزارة.

الرائدات الاجتماعيات مرتباتهم ١٣٠٠ جنيه، الوزيره شايفه انه المرتب كتير عليهم لانهم موظفين بعقد تطوع، تعال بقى نشوف الوزاره بتدفع كام شهريا لتكافل وكرامه وغيرهم من الفئات المستحقه، الوزاره بتدى منحه ٩٠٠ جنيه للفرد، فى اسر فيها ٣ و ٤ افراد بتقبض من تكافل وكرامه، طيب منحه العماله الغير منتظمه ١٥٠٠ جنيه، المطلقات بتاخد ١٠٠٠ جنيه، تخيل بقى ان كل الفئات الاولى بالرعايه بتقبض مرتبات اكتر من مرتبات الرائدات وهمه نايمين فى بيوتهم ولا بيدفعوا منها مواصلات ولا بيشتروا ملابس للشغل ولا مصاريف الشغل.

حضرتك انا ك موظف ازاى اشتغل بضمير واعمل مجهود وانا بقبض مرتب أقل من الأسر اللى الوزاره اللى انا موظفه فيها بتساعدهم، يعنى انا ك ولى امر شايف ابنى جعان ومش لاقى ياكل واديه مصروف أقل من المصروف اللى بديه للغريب، ده اسمه عقوق الاباء، هل ده من العداله الاجتماعيه.

من الناحيه القانونيه حضرتك رئيس الجمهورية النهارده وجه الحكومه بالانتهاء من قانون العماله المنزليه، والاهتمام بالمرأة العامله، يعنى رئيس الجمهورية منح الرائده الاجتماعيات أحقية قانونية انك توفقى أوضاعهم، وتحسنى حالتهم المعيشيه، لو حضرتك من أنصار المرأة، وبتهتمى بشئونهم مفروض تستغلى الفرصه دى وتعرضى ملف الرائدات الاجتماعيات على موسسة الرئاسة.

حضرتك لو شايفه ان الموضوع اكبر من اختصاصاتك ممكن نخلى ال ١٥ الف رائده يرسلوا استغاثة لرئاسة الجمهورية، عشان نشيل الحرج من معاليكى...

معالى وزير التضامن الاجتماعى توجيهات رئيس الجمهورية واجبة النفاذ، والاهتمام بالمرأة العامله من أولويات مؤسسة الرئاسة.