تامر حسني يعلن عدم نشر أغاني في رمضان تقديرا للشهر الكريم

تامر حسني أعلن عدم نشره فيديوهات أغاني تقديرًا لشهر رمضان الكريم، وذلك عبر حسابه الرسمي بموقع فيس بوك قبل يوم من بدء شهر رمضان.

كتب تامر حسني في منشور عبر صفحته الرسمية بموقع فيس بوك: «الاستوري الشهر ده إن شاء الله فيه كلام مهم نسمعه كلنا ونعرفه ونعرّفه لبعض».

وتابع تامر حسني قائلًا: «عشان نكون سبب خير لبعض إن شاء الله كل سنة وإنتوا طيبين ويارب في الشهر الفضيل ده كل حد فيكوا طلب حاجه من ربنا ربنا يحققهاله ويفرح قلبه بيها إن شاء الله قولوا آمين وإدعوا كتير .. رمضان كريم».

وكتب تامر حسني في منشور آخر يعلن من خلاله عدم نشر فيديوهات أغاني في رمضان، عبر خاصية الستوري، قائلًا: «يا شباب في الشهر ده معلش مش هنزل أغاني وده آخر فيديو وصلي بنزله دلوقتي.. وحقيقي ماشاء الله عليك أحسنت صوت وإحساس».

وتابع مشيدًا بأداء شاب يغني، قائلًا: «وشخصية في الغناء جميلة وقبول جميل ربنا يوفقك يا حبيبي والله لمسك قلبي بإحساسك واختيارك للأغنية دي تحديدًا».