هيحكي كل حاجة صوت وصورة.. حسام حبيب يهدد شيرين: فاض بيا الكيل.. وهكشف كل حاجة بالفيديوهات

قال الفنان حسام حبيب أنه لم يكن يتوقع أن تصل الأمور بينه وبين شيرين إلى هذا الحد من التصعيد، مؤكدًا أنه لم يكن يسعى لتهديدها أو تخويفها، لكنه كان يعتقد أنها ستظهر في وقت ما وتعترف بالحقيقة، إلا أن ذلك لم يحدث.

وأضاف حسام خلال حواره مع الإعلامية بسمة وهبة في برنامج "العرافة" المذاع عبر قناتي "النهار" و"المحور"، :"أنا مش بهددها ولا بخوفها، كنت متوقع إنها في يوم من الأيام هتقول الحقيقة، لكن للأسف ده محصلش.. سابتني للتهديد والتهزيق، ولسه بيتكلموا في عرضي وعرض أهلي، وأنا مش مسموح لأي حد يعمل كده".

وتابع :"أنا فاض بيا الكيل، وهطلع أقول كل حاجة بالإثباتات والفيديوها والمسجات والصور، وفاض بيا الكيل لكن عشان انا بني آدم محترم سأترك لها فرصة الأخيرة.. وأقسم بالله لو ما اعترفت باللي حصل لأخر واحكي كل شيء وكل حاجة".

وفي سياق حديثه عن الدور الذي لعبه في مسيرة شيرين الفنية، أشار حسام إلى أنه ساهم بشكل كبير في استعادة مكانتها الفنية، وساعدها على تحقيق العديد من النجاحات بعد زواجهما، قائلًا: "الفضل لله أولًا وأخيرًا، لكن أنا كنت جزء من نجاحها وعودتها للساحة بقوة، حفلاتها زادت، وأجرها زاد، وده مش كلامي، دي أرقام وإثباتات، وأنا مش بندم على اللي عملته، بس اللي بيحصل ده مش عدل".

وأوضح حسام أن أكثر ما أزعجه هو الزج بعائلته في الخلافات بينه وبين شيرين، قائلًا: "مع احترامي لكل حد، أنا متربي كويس، وعيلتي ناس محترمين، وأنا مش مستحمل إن حد يتكلم عنهم بالسوء، شيرين أحدثت وقعة بيني وبين أهلي، وأنا كنت شايف إن اللي حصل مش صح".