ابنة أحمد الدجوي تثير الجدل بتعليق غامض: أبويا اتقتل ومش قادرة أقول الحقيقة

نشرت نوال ابنة أحمد الدجوي، مقطع فيديو قصير عبر صفحتها الشخصية على موقع فيس بوك، وعلقت بمنشور مثير للجدل للتعليق على رحيل والدها.

نوال ابنة أحمد الدجوي

وكتبت نوال أحمد الدجوي، عبر صفحتها على موقع فيس بوك، قائلة: إذا كنتم منتبهين، هتلاحظوا إني مش بتكلم عن اللي حصل. ليه بيسكتوني؟ ليه مش عايزين يسمعوا اللي عندي؟ أبويا اتقتل، ومش قادرة حتى أقول الحقيقة عن اللي حصل.

وأضافت قائلة: ليه مش مسموحلي أوري العالم مين الشخص اللي أخدوه من عيلتي، ومن الدنيا؟ همّا قتلو مستقبله، وقتلوني معاه. قتلوا أملي، وأحلامي، وأكتر حاجة موجعاني إن أختي هتعيش حياتها من غير ما تعرف أبوها، من غير ما تعرف بجد قد إيه كان حنون، وكريم، وبيشتغل بكل طاقته.

وتابعت قائلة: قد إيه كان كل اللي بيتمناه إنه يشوفنا بنضحك، وبننجح في حياتنا.‎أنا عارفة الحقيقة، بس يا ترى غيري عارف؟ أنا عارفة كل حاجة، ما عدا حاجة واحدة مهمة جدًا: ليه؟ ليه بتسكتوني؟ ليه بتعملوا كده؟ وليه هو بالذات؟‎.

واختتمت منشورها، قائلو: الناس ممكن تنسى، بس أنا عمري ما هنسى.. كمّلوا تحاولوا تسكتوني.